AFP : Dibéer 16 ut 2009
Senegaal : téere biy diiηat yoriinu ab asãs bu doomu njiitu réew mi

Ndakaaru — Abdu Latif Kulibali, di taskatu xibaar bu réewum Senegaal, doon kuy ηàññ lool nguurug Abdulaay Wàdd, génne na aju-bés bii ci Ndakaaru ab téere luññutu buy ηàññ yoriinub asãsu réew mi bu Kariim Wàdd, doomu njiitu réew mi, jiite woon. Téere boobee mu duppee "Contes et mécomptes de l'Anoci", di ci làkku wolof "Léeb ab lippóon gi ci Anoci" jot naa jaar ci yéenekaay yu réew ma ca joxe seen xalaat bu baax a baax.

alliance-panafricaniste.com  : 26 sue 09
 Ab jukki bees tekkee ci: alliance-panafricaniste.com

Li gën ci li nit njëkk a amal ci wàllug xam-xam mi ngi xewe ci Goxub Afrig, cig gën a leer, ca Isipt gu yàgg ga la nit ku ñuul yóbboo ag nite (l'humanité) ba àggale ko ci xam-xam. Booba la joxee firnde ci ne xam-xam du moomeelug wenn xeet, du caagéenu benn gox.Gëstu yu boroom xam-xam bii di doomu Senegaal, di Seex Anta Jóob, maye nañu manees a saxal am-amu xam-xam bii di"xeetu nit benn la" ñoo bokk fu ñu bawoo, te xayug nit ku ñuul (la civilisation négre) moo jiitu ci xay yi.

SudQuotidien : Altine 8 Sue 2009
Ndajeem Xoy 2009 : séenuees na ay jafe-jafe fa Tiwaawon ak Tuubaa.

Mbooloom àddina mi dul politig tey toppatoo pajum cosaan (Prometra) mujj na dajaleeti Saltige yu Siin ak yu feneen. Loolaa nga ame woon ca Màkkaan ma ñuy jàngate Xam-xamu cosaan (Cemetra) nekk ca Fatig te ñu koy woowe Malàngo. Foofu la Xoy bi di Ndajem caada muy am at mu ne ngir seet liy xew ci réew mi ci jamono yi ñu jém. Ndajem ren (2009) mi indiwaat na Tuubaa ak Tiwaawon ci Ceet gi, nde Saltige yi wax nañu ne ñaari dëkk yooyu dana ñu yëg lool jafe-jafey Askan wi.

Akon, mi ngi waaj a génne ñaari laj-koloñ (parfums) yu bées, amul bénn jot! Noonu lanu tànne woykat bii ngir mu fent bàkkub Joŋànte gu Futbal gu àddina sépp ci atum 2010, te war a ame ca Afrig gu bëj-saalum. Yégle na ni : « jëlees na ma ngir ma jiite woyuw Joŋànte gu Futbal gu àddina bi. Dinaa jiite woy wi ñuy ubbee.

Xinhuanet :    Dibéer 8 Maars 2009
Kujje : tiyaatar bii di « polymachin » dëppoo na ak liy xew ci sunuw askan

Ndakaaru, 7 maars (Xinhua) – Ci tiyaatar bii tudd « Polymachin » te ñu dawal ko bis yi ñu weesu ci Ndakaaru, kureel gi ñuy woowe « Cruellas » wone nanu ci bu baax jeexitial yi kujje amal ci biir askanu Senegaal. Ànd ci ak ñaari tiyaatarkat yu jigéen yii di Marieem Fay ak Maada Njaay. Ñoom ñaar tudd nañu, ak wollamiku gu mag, jeexital yi kujje di def ci jigéen ñi ak njaboot gi.

Fespaco 2009 : Dello njukkal ñeel ndemsi-yàlla Usmaan Sémbéen defkatu film la woon (cinéaste): Usmaan xér na Ouagadougou  - WalFadjri

Moo xam mbedd ma ñu ko duppee, moo xam nataalub xànjar ba ñu ko jagleel, dëkk bii di Wagadugu am na ay màndarga yuy firndéel kóllare gu dox digganteem ak Usmaan Sémbéen. Ñaar fukk ak benneelu Fespaco, bi door gàwwu, delloo na njukkal kii di Usmaan Sémbéen mi fi bàyyikoo ci atum 2007. Kuréel gi lëkkale këru sinemaa ak tele yu réewi Afrig door na ñaar-fukki fan ak juroom ñatt ci weeru feewriye ba juroom ñaari fan ci weeru maars. Ndaje moomu di am ca réewu Burkinaa-Fasóo doore nañu ko njukkal lu rey lu ñu doon dello Doomu Senegaal ja di Usmaan Sémbéen.